前港姐吳忻熹懷孕七個月即將「升呢」做媽媽，身為高齡產婦的她為了能自然分娩誕下健康B女，專誠向瑜伽導師Kenny請教有助孕婦分娩的瑜伽。她雖然腹大便便，但動作依然靈巧，更分享站樁運動的成果，她表示運動有益身心之餘，更有助她思考成為媽媽的轉變，準備扮演新的角色。

吳忻熹學瑜伽，希望有助分娩！

懷孕七個月的吳忻熹，做瑜伽時身手依然敏捷。

當上靚靚大肚婆的忻熹透露佗B女令她更明艷照人：「已經照到係囡囡，朋友都話佗女因為有女性賀爾蒙會皮膚變靚，依家七個月已經重咗廿幾磅，臨尾生嗰個月會再肥！（已改名？）等囡囡出世後，攞個時辰八字再搵師傅夾個好名。」