星夢幫的鄭俊弘（Fred）憑着一把靚聲吸引不少女粉絲，但估不到也深得男性歡迎，更試過被疑似男同性戀者問他：「食唔食蕉？」令他大感尷尬！

鄭俊弘為救朋友甘被老師責罰。

鄭俊弘被疑似男同性戀者「搭訕」，未知緋聞女友姜麗文可會擔心？

姜麗文、鄭俊弘

迷倒不少女粉絲的鄭俊弘，竟自爆曾被疑似男同性戀者「搭訕」，令他尷尬非常：「可能我Get錯佢意思啦！有日我做完Gym沖涼出嚟，我對住塊鏡吹頭，佢就行過嚟，對住塊鏡望住我問：『你想唔想食蕉？』我當堂呆咗，然後話『唔使啦，唔該！』後來我再諗番件事，我覺得唔對路，因為佢手上真係冇一條蕉喺度！」

為幫朋友打架

看似一名怕醜仔的Fred，當看到朋友被欺負，也會見義勇為出手相助：「我保護性好強，記得14、15歲嗰陣，見到個Friend畀人蝦，我就會出手！試過因為幫朋友而打架，搞到畀老師罰！」問到眼角的疤痕是否打架所致？他說：「13歲同朋友去露營一齊玩水彈，我朋友用水彈掟我後面，我跌倒撞到眼角不斷流血，要去醫院縫針。雖然個傷痕都仲喺度，不過唔緊要，當係有啲經歷喺塊面度！」