梁烈唯早前到馬來西亞拍攝特輯，分別與陳敏之、陳展鵬及袁偉豪等拍攝跑步、踩單車、打羽毛球及游水項目。唯唯之前曾代表無綫到北極跑馬拉松，雖然馬來西亞天氣炎熱，但即使要跑山都絕對難不倒他，他更反駁大家向來以為他是「孱仔」的謬誤：「啲人成日以為我好孱弱，淨係掛住蒲，其實我成日都做運動，又踢波，又做Gym，不知幾健康，體能仲好Fit ，而且我好黐家，仲好錫老婆，大家真係誤解晒！」

梁烈唯騷老鼠仔，證明自己唔係孱仔！

無論單手撐地或跑山，都難唔倒梁烈唯！

此外，唯唯開心地表示五月底會到日本九州拍攝他首個在無綫的旅遊特輯，更會與黃心穎同行，他笑說：「輪都輪到我歎吓啩！（帶埋老婆去？）唔會，我做嘢佢唔鍾意跟住。」