前港姐冠軍陳庭欣揼本開日式餐廳，請來好友莊思敏及白健恩試菜，並化身「侍女」服侍兩位貴賓兼親自炮製美食，莊思敏對老闆娘的手勢讚不絕口！

陳庭欣（右起）炮製美食招呼白健恩及莊思敏。

莊思敏及白健恩大讚陳庭欣廚藝了得。

陳庭欣向莊思敏及白健恩介紹有份設計的餐廳裝修。

莊思敏、陳庭欣

陳庭欣（Toby）最近踩入商界，豪擲六位數與友人在銅鑼灣旺區開設樓上日式餐廳，主打鐵板燒及時令和食，Toby的圈中好友莊思敏及白健恩（小白）日前專誠到餐廳給予意見，老闆娘Toby對兩位貴賓招呼周到，親自介紹美食及講解有份設計的裝修，甚少下廚的她更首次落場炮製鵝肝、和牛及蔬菜等，看來她早已請教專業廚師，見她手勢相當純熟，莊思敏及小白試味後均「直豎拇指」，食到Lam Lam脷！

食慣好嘢的莊思敏對美食讚不絕口：「之前冇試過Toby手勢，今次係第一次，好在有師傅在場睇住，估唔到佢整嘢咁好食！」她又讚餐廳設計簡約有品味，而且甚有空間感：「知道Toby有份畀意見點裝修，無論餐具、椅子都有諗過，唔似有啲餐廳好逼，而且抽氣都夠，食完唔會一身油煙味，最鍾意係有私人房，因為我講嘢好嘈，唔想騷擾到人吖嘛！」小白亦讚餐廳環境舒服，平日吃鐵板燒最愛坐Bar枱，因可以欣賞師傅手勢。

搞生意向老友取經

提到莊思敏有豐富搞生意經驗，Toby承認有向對方取經：「我當然有問佢生意之道，準備過程有好多濕碎嘢，另外就係點同拍檔相處。」莊思敏說：「我覺得飲食幾難做，所以Toby好大膽，我同佢講要畀心機守業，同Partner一定有分歧，就算屋企人都會有摩擦，但要互相信任。」

問到會送甚麼賀Toby？莊思敏表示會不斷帶朋友前來幫襯，小白則稱對方有何需要儘管出聲。