草蜢一連六場《BE THREE GRASSHOPPER IN CONCERT》將於6月在紅館舉行，三子視為一年一度與歌迷的大Party，台上勁舞熱唱，台下歌迷亦跟着「喪唱喪跳」成為歌迷的紓壓良方。三子稱不論到哪個地方巡唱，觀眾都出現同一個現象，就是嗌到聲沙兼跳到汗流浹背。提到分享護聲心得，阿智笑說：「佢哋入場係為求『聲沙』，嗌爆紅館，趁我哋有能力令大家濕身，都係一種功德嚟！」

草蜢希望入場睇騷的粉絲，可以盡情投入！

草蜢坦言為令觀眾珍惜這種High爆式現場氣氛，今次演唱會將「決絕」不出DVD：「如果有得睇重播大家就唔會珍惜睇即場嘅機會，而我哋演唱會出名好有現場氣氛，齋睇DVD又點足以體會得到，所以我哋索性唔出DVD，唔畀大家有重溫嘅機會！」