成立四年不斷換血的o靚模組合冬甩，現時成員平均年齡只得19歲！其中三位成員陳芷敏（Elke）、潘欣妮（Loretta）及鄭安娜（Biona）均稱單身，今年夏天搏盡拍寫真！已是大師姐的隊長Elke謙稱：「冇嘢可以教路，大家互相學習囉！依家啲成員愈來愈靚啦！又有進步，好多嘢都純熟咗，做起嘢上嚟都好有默契。」不過避談舊日隊友的關係：「我都唔知呀！嗰時我係新人，同依家呢啲成員熟啲。」

Elke、Loretta及Biona冇男友，拍寫真可以去到盡！

Biona（中） 低胸上陣，搶晒拍檔「峰」頭！

而Loretta自言可以更性感：「我覺得今年可以再突破啲、成熟啲！」她大談擇偶條件：「鍾意張智霖、苗僑偉嗰類，有男人味！可以保護我！」至於年紀最小的Biona自言冇受特別照顧：「我唔會妹妹仔咁囉！可能做呢行思想會成熟啲！」沒男友的她有感身高令追求者卻步，於是決心用盡天賦做模特兒。