周柏豪近月為新專輯到內地宣傳，入行八年的他嘆時間如火箭般飛快，雖然路程較其他人慢，承認是「幸運仔」的他獲不少人相助，體會到人情可貴，他笑說：「我幾得人鍾意！」

柏豪感激對他出手相助的人，還笑說：「我幾得人鍾意！」

周柏豪

曾被拍得拍拖的柏豪，當然會報答女友。

周柏豪早前推出第九張專輯《同行》大獲好評，歌曲《同行》及《異能》都登上各大流行榜冠軍位置，將於九月舉行處男紅館演唱會的他坦言曾問自己是否適合在娛樂圈打滾，他說：「好清醒地諗，自己適唔適合呢一行，已經捱咗新人之後好難捱嘅階段，期間有好多身邊人幫手成就呢件事（指出碟）。」

問到會否覺得自己很幸運？柏豪說：「Lucky！雖然我行得慢，但自己行得慢畀到時間做得穩陣，公司畀好多資源我，每個監製放好多心機喺我度。」他隨即笑笑口說：「我幾得人鍾意！好多人好肯幫我，好感恩。（因為你係義氣仔？）我都好講義氣，人哋幫過我，我一定會記住，成日覺得人哋冇乜必要幫我，有時幫我，得着我會大過佢。」

回報「背後女人」

曾在頒獎禮台上感謝「背後女人」，問到如何回報圈外女友Stephanie？柏豪說：「全部朋友都會回報嘅。（背後女人辛苦？）冇咁嘅事，冇人喺我背後，全部都喺我前面。」隨即硬銷歌曲《同行》，他說：「同行嘛！（女友係咪都同行？）邊個女友，講番隻碟，唔好講過去嘅嘢。」