陳奕迅（Eason）昨日在北京出席新專輯發布會，現場有逾300人撐場，早前因扁桃腺發炎取消巡唱的Eason慶幸聲帶沒受影響。會上播出周迅祝新碟大賣的短片，她叫Eason留兩張演唱會飛，擺明預埋男友高聖遠份，又提議跟Eason來個「雙迅合璧」！Eason坦言比傳媒早點知道周迅蜜運的消息，並已恭喜對方：「我哋有傾過做音樂劇，但我要做巡唱，畀佢拍吓拖先。」對於新碟封套疑似抄襲日本樂隊Flumpool早年唱片封面一事，他說：「香港畀人感覺係抄襲天堂，其實抄同參考分別係難聽同好聽，你話抄咪抄囉！」

陳奕迅（右）與林俊傑出席發布會，懶理唱片封面抄襲傳聞的他獲老婆徐濠縈力撐。

徐濠縈

陳奕迅（中）扮鬼臉與與現場粉絲開心合照。

另外，徐濠縈昨日出席珠寶活動，談到老公唱片封套上的「迷你Eason」尿尿石膏像，適逢近日內地小童在港便溺，掀起兩地罵戰，她表示唱片公司轉發時已遮重要部位，她笑說：「想試吓唔遮Post上微博會點？未試過畀人河蟹，畀人鬧就多！（尿尿公仔有乜意思？）林海峰諗o架，要問佢！」