女星傅嘉莉和英皇藝人陳家樂等昨日到銅鑼灣出席服裝品牌活動。傅嘉莉即場為半裸男模穿上由她設計的牛仔衫，神色尷尬的她說：「之前一個人去泰國諗住Relax，去到至知香港發出旅遊警示，間酒店對正集會場地，夜晚條街冇車冇人。（唔敢外出？）朋友帶我去食嘢，原本諗住酒店有個Infinity Pool（無邊泳池），慢慢歎，但啲示威廣播由朝播到晚，好嘈！」而陳家樂身形比前健碩，他說：「為新戲《破風》練單車，大髀粗咗，以前啲牛仔褲唔啱着，同片嘅彭于晏超勤力，我唔想比下去，一定會繼續練落去。」

傅嘉莉幫半裸男模換衫，難免尷尬！