名模熊黛林（Lynn）去年傳因苟芸慧介入以致與郭富城分手，對於近日有指苟芸慧冧掂城城經理人小美，Lynn昨日冷笑三聲並不屑地說：「冧掂好勁咩！」

Lynn自稱已放下城城，準備好迎接新戀情。

Lynn揚言若城城與苟芸慧拍拖會送祝福。

Lynn

穿透視裝的娜姐發現離罩後，即挺胸收腹。

昨晚Lynn現身藝術展酒會時表示，未有留意近日苟芸慧冧掂城城經理人小美的報道，問到會否覺得苟姑娘好勁？她即冷笑三聲：「哈哈哈！冧掂好勁咩？！人哋嘅嘢我唔方便評論，希望每個人都搵到自己鍾意嘅人。（苟姑娘被指有手段？）確實冇聽過佢嘅嘢。（埋到小美身等於埋到城城身？）鍾意就好，最緊要自己開心。（大家唔提城城，你就開心？）唔係提唔提，係冇所謂，過咗去對我冇影響，我想重新過生活。」問到是否對城城已冇感覺，她停頓了五秒才口窒窒說：「吖……係朋友。」

Lynn重申已放低城城，並已準備好迎接新戀情，問到若城城與苟姑娘拍拖，心中會否有刺？她大方地說：「我會祝福每一個人，同任何人都冇仇，我好正能量。（城城將同苟姑娘出席活動嘅相放Instagram，但冇放你嘅相喎？）我都冇同佢一齊出過活動。」

娜姐廁所叼大雪茄

同場的周秀娜穿透視裙，但上圍離罩，她即企直身並笑說：「做人最緊要挺胸收腹。（瘦咗？）結實咗，我間中有打Boxing。」她又指見到有泳池便想游水，問到在港會否穿三點式游水？娜姐說：「冇所謂，去沙灘唔會着羽絨，曬太陽過吓品味生活。我有同朋友畫畫，之前畫咗幅畫，係小周秀娜食雪茄，送咗畀媽咪，但佢放喺廁所，話我重口味，叼住咁大支雪茄。（你阿媽諗歪咗？）當辟邪囉！」