憑劇集《女人俱樂部》彈起的陳嘉寶，昨日大方承認男友曾犯事，現已修心養性，又指對方雖有家底，但拍拖時財政獨立。

陳嘉寶指男友年少無知犯事，但現已改過。

糖妹靠做Gym成功收身，自言變咗大隻妹。

陳嘉寶（左起）、吳嘉熙、陳瀅、糖妹（右二）與吳燕菁（右）受訪時玩成一片。

無綫劇《女人俱樂部》的「M Club」少女版女演員糖妹（黃山怡）、王敏奕、陳嘉寶、吳燕菁及吳嘉熙前晚錄影《勁歌金曲》，有指男友擁半億身家、曾犯刑事恐嚇及盜竊罪的陳嘉寶，受訪時大方承認與男友已拍拖大半年，在教會認識，提到男友留有案底，她表示男友已坦白從寬：「係細個反叛期時做嘅，依家修心養性，反而放心好多，因為壞過唔會再壞！」陳嘉寶指男友是她的初戀情人，亦已見過男方家長，問到男友被指有半億身家，她說：「係佢屋企嘅錢，佢有打工都係用自己錢，我哋拍拖分得好清楚，佢屋企有錢都唔關我事！」至於會否擔心情到濃時犯禁？她透露兩人已有共識，信仰堅定不會犯禁：「男友控制得好好，最多只係錫嘴。」

糖妹成功脫脂

早前為拍劇而增肥的糖妹，自爆做Gym成功收身：「我脂肪比例低咗好多，依家肌肉增多咗，可能第時變肌肉妹！」又讚劇集播出後帶挈她在內地的粉絲激增，微博關注人數升至14萬人，工作邀約不斷。

同場的王敏奕被拍得與曾國祥在街頭激咀，她大方承認兩人拍拖數月。由於曾志偉擔任《女》劇監製，王敏奕被指靠男友才獲得拍劇機會，她即否認：「唔係！一路有試鏡，都有拍好多電影，所以唔關事，拍嗰陣都未拍拖！（志偉監製？）咁啱啫！（怕畀人話靠關係？）我會努力工作去證明自己。」