亞視歌手彭遠揚曾贏得歌唱比賽節目《亞洲星光大道2》冠軍，唱功獲讚的他早前推出新歌《怎麼辦》，靈感來源非常特別：「舊年拜祖先之後突然腦海有音符，好似係祖先送首歌畀我咁，由好朋友寫詞同錄音，只係收咗友情價五百蚊，之後亞視畀我喺晚會獻唱，電台DJ余宜發又幫我推介，好多謝佢哋！」他表示歌曲着大家追尋夢想，發放正能量。

彭遠揚透過新歌向Fans發放正能量。

年前彭遠揚創作愛情歌《Saranghaeyo》，鼓勵大家勇於示愛，但他笑言現在愛情觀已改變：「以前比較衝動，試過一齊咗發現唔夾，依家會睇定啲，相處適合先拍拖，希望係結婚對象。」