近年於北京發展的歌手側田為港女平反！他指「公主」的只是其中一部分，其他港女實情「好正」！當年他甫出道即在紅館開個唱，成為傳奇，曾唱出《命硬》等多首Hit爆情歌，現在更打算攻佔兒童市場出兒歌碟！　

側田為港女平反，冇「公主病」嘅港女都好正！

原來側田鍾意細路，開拓兒歌路線有得諗！

側田一向滿有音樂才華，唔知會唔會自彈自唱冧港女？

日前於澳門開騷的側田，近日正忙於籌備新碟，曾唱出多首經典情歌的他，今年打算推出兒歌碟！側田說：「我覺得香港細路仔應該聽一啲好啲嘅音樂！配樂會做得好Sophisticated（細緻）！我覺得我有責任做多啲好嘅音樂畀小朋友，唔使一定咁戇居嗰啲！大人同細路一齊Enjoy！」問到會否再造情歌碟，他自爆當年是經歷了黑暗才寫出動人作品：「呢排好開心！可能到我下一次失戀先造囉！嗰陣時非常黑暗o架！」

唔係個個公主病

將在新碟中與小朋友合唱的側田，自言喜歡小朋友：「我鍾意細路仔呀！但係我唔鍾意生囉！除非搵到個女仔係嚴厲嘅，因為我會任個細路玩。」問到擇偶條件，現時仍未成家立室的他說：「要有上進心囉！好緊要！我唔Care個樣！其實香港女仔好正o架！有班『公主』嘅懶係寸，自己又唔靚喎！但係梗有好o架！」側田大讚港女，問到會否想全面回歸香港，他說：「我都想，但係低調啲返嚟就得！」

一世靠音樂搵錢

愛在音樂方面作新嘗試的側田，早前與「香港旋律」人聲樂團於《無伴奏合唱節》活動中Jam歌，側田大讚對手具音樂才華，其短片更於網上熱播。問到頻頻出騷吸金的他有否定投資計劃，他說：「我冇呢啲頭腦o架！我諗我呢一世都係靠造音樂同商演搵錢喇！」他更揚言希望明年再踏紅館！