張致恒（Steven）、麥貝夷（Karene）和徐偉賢放低高床軟枕，深入山區進行親善探訪，提醒了他們珍惜所有，Steven更決心身體力行，廣邀更多朋友送暖到貧困地區。

張致恒（右）、麥貝夷和徐偉賢一同完成探訪之旅，頓變老友鬼鬼。

麥貝夷

小朋友與張致恒、麥貝夷和徐偉賢打成一片。

張致恒和徐偉賢跪地與小朋友做運動，相當落力。

愛心爆棚的麥貝夷氹到山區兒童笑聲不斷。

歌手Steven、Karene與音樂人徐偉賢早前參與雲彩行動的探訪活動，結伴到廣西南寧山區探訪貧困及患上腦癱的兒童。正所謂「天將降大任於斯人也，必先苦其心志，勞其筋骨」，三人先要體驗山區兒童每日必經的「漫漫長路」，Steven說：「我哋同其中一個小朋友一齊行返屋企，要行成個幾兩個鐘，但佢哋話已經係捷徑嚟，好似行火山路咁，條路凹凹凸凸，相當崎嶇。」

麥貝夷伸援手

辛苦到達目的地，眼前竟是一間由草搭成的茅屋，更令Steven震撼的是，山區小朋友不敢「發夢」：「我好記得問佢有冇願望，佢諗咗一諗話冇，嗰下我非常心痛！喺香港隨便問吓啲小朋友都識答，但山區小朋友唔敢將願望講出嚟，因為佢哋實現唔到，我做訪問時都忍唔住喊出嚟。」

問到此行最大的得着？徐偉賢說：「我哋將自己覺得好嘅嘢畀佢哋，例如覺得佢哋缺乏營養，帶啲維他命丸去，結果佢哋覺得唔飽肚所以唔食，令我明白要認真關心佢哋需要咩，多過我哋覺得佢哋需要咩。」Karene亦說：「呢個世界總有比自己更需要幫助嘅人，如果可以，我哋應該伸出援手。」

問到他們將來會否成立慈善基金？Steven說：「唔會，我想用我影響力幫唔同機構籌款，仲會身體力行搵唔同朋友去做探訪。」徐偉賢則表示：「初頭有諗過，但通常啲發起人都好忙，要成日去籌款，我反而想親手去幫有需要人士。」