新進女星陳瀅在新劇中飾演「少女版陳慧珊」，性格又Cool又寸，與其他少女演員糖妹、陳嘉寶及王敏奕等割席玩不和，眼見另外六女相處融洽，她亦牽動了真情緒，確實有被隔離而眼濕濕的感覺！

模特兒出身的陳瀅曾有不少拍戲經驗，最近首度演電視劇望可入屋。

Jeannie與陳慧珊同樣「鬼聲鬼氣」，見面時常以英語密斟。

Jeannie（右一）與六位少女演員感情甚好，但戲內則要以一對六。

新進女星陳瀅（Jeannie）在劇集《女人俱樂部》中飾演陳慧珊的少女版，首次拍劇的Jeannie早有不少演出經驗，拍過多部電影及廣告，與好戲之人梁家輝、郭富城及陳慧琳合作超過一次。擁有甜美笑容的Jeannie在《女》劇中偏偏性格Cool爆，經常黑口黑面，並與另外六位少女演員糖妹、陳嘉寶、王敏奕、賴慰玲、吳燕菁及吳嘉熙友情決裂。對於戲外曾傳出七女不和，Jeannie透露有次開工的確曾難過到想喊：「我角色要板起塊面，佢哋六個就嘻嘻哈哈玩得好興奮，有次我覺得唔開心，因為我哋本身好Friend，但我就成日要分開拍，好似真係畀人隔離咗咁，有妒忌感覺，眼濕濕想喊，反而更幫到演出。」

難忘驚喜生日

不過，Jeannie表示現實中她們感情要好，並義結金蘭，拍攝期間她更獲贈驚喜生日禮物：「我同糖妹嘅生日相隔一星期，當日大家幫糖妹慶祝完，我以為我冇，之後Venus（王敏奕）使開我，我返嚟時發現原來大家都準備咗驚喜畀我，布置晒場地，又有煙花又有蛋糕，好開心同感動！」

至於被睇中演出陳慧珊的少女版，Jeannie覺得她倆確有不少相似之處：「我哋都係外國長大，口音同把聲最似，我哋開拍前有傾過點演，所以唔算好難揣摩，呢位前輩好好，去到最後幾場，我話唔捨得套劇，佢專登叫我嚟睇佢演出，仲教我做戲添！」