吳千語昨日出席活動時獲大會特別安排「小林峯」獻花，怎料小男孩臨時怯場木無表情，更扁嘴不願動，場面尷尬。硬食「檸檬」的千語笑說：「好多時啲活動都安排小朋友獻花同獻吻，但佢哋通常會怯場，我都食過好多次檸檬。（尷尬？）小朋友唔會，如果係大人就好尷尬喇！」她又自言近日胖了一點，但現場所見她似是消瘦了，她說：「我依家仲未夠一百磅，朋友都話我隻腳有番少少肉！」千語透露母親節若男友在港，將會與林媽媽一起慶祝，還會一起買禮物送給她。提到早前被影到跟隨林峯出席苗僑偉等人的聚會，被指是跟得女友，她說：「係三哥（苗僑偉）逼我去，阿佘（佘詩曼）又叫我去，我唔黐身，我唔係黐身女友！（林峯黐身？）OK啦！如果完全唔理大家又唔合理。」

獲「小林峯」獻花的吳千語，被氹得心花怒放。