通常靚女對形象都十分講究，但樣靚身材正的無綫藝人孫慧雪卻例外，在朋友面前非常放得開，即使被拍下醜態亦毫不介意，自言食得瞓得的她說：「佢哋最鍾意影我瞓着擘大口流口水嘅樣，仲要Post上Facebook Tag我，但我冇所謂，都慣咗，佢哋仲成日話我做咩唔帶紙巾出街抹口水！」

想不到樣靚身材正的阿雪，原來曾想過轉型做諧星！

阿雪O嘴反白眼，認真放得開！

阿雪完全冇包袱，鬼臉話扮就扮。

無懼「犧牲色相」的阿雪表示，入行前其實想做諧星，惟一直冇人發掘，唯一一次有機會在新一輯綜藝節目中「大顯身手」，卻因節目調動而告吹，她說：「本身Cast中咗，我仲特登扮麻甩佬同美少女戰士，但無奈最後冇得見街，如果唔係可能可以發展做諧星呢條路！」雖然暫未有機會，但阿雪絕不介意飾演醜角：「啲朋友都笑我扮樣衰係做番自己，扮斯文先考我演技！」