藝人萬綺雯、林盛斌及陳嘉佳前晚以電影《花樣年華》的懷舊造型於灣仔拍攝無綫新劇，期間林盛斌更大讚逼爆旗袍的小寶好肉地，反指蚊蚊身材「不知所謂」！

蚊蚊保養得宜，但大騷身材的她卻因旗袍太窄而唔敢食飯。

發現阿Bob與小寶偷食的蚊蚊，慘被阿Bob嫌棄「iPad」身材。

阿Bob奪走小寶的螢幕初吻，卻被伊人投訴要換對象咀嘴！

腳痛難忍的小寶等唔切換鞋，不理形象直接踏在墊地紙巾上。

藝人萬綺雯（蚊蚊）、林盛斌（阿Bob）及陳嘉佳（小寶）昨日在灣仔為無綫新劇《老表，你好hea！》進行拍攝，眾人以電影《花樣年華》的懷舊造型登場，當中蚊蚊更以貼身旗袍亮相，大騷驕人纖腰及煞食長腿！她更自爆拍攝前不敢食飯：「呢件旗袍好窄，我連飯都冇食！（戲中慘被阿Bob嫌棄？）畀我發現阿Bob同小寶偷情，之後佢仲『發爛渣』嫌棄我身材『不知所謂』！（祖藍度橋整蠱你？）唔係，好笑又好玩！（同阿Bob有咀戲？）只要佢『認真』錫我就頂得住，唔好引我笑！」

而腳踏兩吋高跟鞋的小寶於停機時頻呼腳痛，因為等唔切換鞋，雙腳痛得要命的她更直接腳踏墊地的紙巾！問到首次穿旗袍的感受，她說：「之前試衫時做細咗件旗袍，搞到依家要着束衣先掂，氣都抖唔到，仲成日『爆鈕』！」

索到流鼻血

而阿Bob就大讚小寶好索：「睇到流晒鼻血呀，佢實溝死仔啦！」當談到周旋於肥瘦「曼玉」之間享齊人之福，他笑指自己奪走了小寶的「初吻」，卻被小寶即時投訴下次要換對象「咀好啲」！