早前在節目中分享養狗心得的模何佩瑜（Jeana），昨日被讀者狂轟虐待寵物，斥她不但獨留芝娃娃在家，更因疏忽而令牠後腿骨折，絕對不配做狗主！Jeana得悉事件後即強調非常內疚，並揚言一直有反省！

何佩瑜早前在節目受訪時大談養寵物心得，但有讀者看完即「眼火爆」，昨日向本報投訴她對待動物不善！家中養了兩隻芝娃娃「芝芝」及「豆豆」的Jeana，在節目中大讚牠們乖巧，又自爆因自己離港三天獨留愛犬在家也沒有四處大小便，而愛犬亦試過在她駕駛時，跳出車外以致後腳骨折，自此後腳需要長期被吊起。由於她在言談間沒有察覺自己照顧寵物塞責，故令讀者睇到想「爆粗」，怒轟她缺乏做狗主的基本常識。

對於被狂踩虐寵，Jeana昨日在電話中澄清：「其實之前芝芝整親我都好內疚，因為影響隻狗一世，同埋佢嘅骨比較細，處理上亦比較麻煩，自己都有反省點樣可以照顧得好啲！至於獨留芝芝喺屋企，係因為離港太忙太趕，迫於無奈先咁做，嗰陣專登買大包狗糧，我返到屋企佢都未食晒！我承諾唔會再犯，以後會更加小心照顧！」她又感謝網友的抨擊，強調一直有反省，她本月中前往馬來西亞拍戲時亦已拜託母親幫忙照料愛犬，並已購買足夠的糧食給牠們。問到身邊人有否責怪她，她說：「反而冇喎！啲朋友仲讚隻狗乖同埋叻！」

江美儀24小時照顧

對於Jeana被轟虐待愛犬，江美儀說：「我都有留意段新聞，不過無論啱定唔啱，人哋啲嘢我唔評論，我係狗奴才，要24小時跟身，開工都喺身邊，既然養得佢，就要畀佢安全感，如果去旅行，我會畀男朋友或媽咪照顧，如果全部都去旅行，會帶佢去狗媽媽度，唔可以冇人理，就算有足夠食糧都唔得。」而梁烈唯則說：「唔得喎！平時出外做嘢，一定會帶KoKo（愛犬）去媽咪屋企，就算係一、兩日都唔會擺低佢。（佢話搵唔到朋友交託？）咁狗店都有寄託服務，我建議可以交託畀狗店囉！」