樂隊RubberBand（RB）趁母親節，特別入廚為母親炮製母親節大餐。四子鮮有入廚，亦甚少跟媽媽去街市買餸，成員阿偉在街市有恐懼經歷：「試過行街市有隻曱甴沿住條褲襠爬上嚟，真係好核突！」而成員泥鯭亦坦言對「濕漉漉」的街市敬而遠之。

RB親自炮製母親節大餐，媽咪想必甜在心頭！

泥鯭（左）與6號落手落腳煮，手勢有板有眼。

雖然不太擅長下廚，但四子卻用他們最拿手的音樂為媽媽作歌，更在演唱會上向媽媽憑歌寄意：「首歌係講大個咗之後好怕媽媽成日對你噓寒問暖，但當你去到同佢生你嘅年紀差唔多大嘅時候，你就會明白當時佢嘅心情，其實都幾含蓄咁講，之前喺紅館唱過，對自己嚟講幾難完成，因為裏面包含嘅情感都幾澎湃。」