麥貝夷被屈做小三 鬧爆花心舊愛

麥貝夷（Karene）單飛發展後閉關一段時間，在這半年間原來正在療情傷，事關她揭發了舊愛是個「花心大蘿蔔」，她說：「之前嗰個拍咗半年拖，原本感情好好，但之後有第三者介入咗，我透過朋友好婉轉知道佢出面有第二個。」

對方一腳踏兩船後，Karene開始「案件重組」，懷疑自己才是真正的「小三」：「拍拖拍得好地下情，佢從來都唔肯同我影合照，開頭以為佢嫌棄我藝人嘅職業，拍拖時諗好多藉口畀佢。我將啲經歷同媽咪講完之後，佢都覺得我係人哋第三者，感覺我只係後宮佳麗嘅其中一員。」問到可有與花心舊愛對質？她說：「過去咗就算，反正個人都留唔住，不過當時我有打電話去鬧佢，鬧足十分鐘。」　

被醫生男友飛

Karene從情傷陰霾走出來後，透過朋友介紹找到醫生男友，更不時返教會拍拖，她說：「依家拍拖唔搵靚仔，太冇安全感，要穩重為主。我哋好自然咁一齊，佢係天主教，我係基督教，有時去吓我教會，有時又去吓佢教會，拍拖係要兩個人畀心機經營。」可惜到頭來愛情再次開不了花，上月中男友突然提出分手，令她又再重返「盛女」行列。