歌手吳若希（Jinny）日前大晒小蠻腰及白滑長腿拍攝健康食品廣告，專業的她為了以最佳狀態示人，特別跟私人教練「操肌」，她表示雖然過程非常艱辛，但看到「結果」後，多苦都值得！　

Jinny露腰晒操肌成果，幾辛苦都值得！

Jinny靠控制食量Keep Fit，食出美好身段。

Jinny跟排舞師惡補舞技，非常認真。

Jinny操肌前曾向過來人Alfred打聽「苦況」。

主唱無綫劇集《愛我請留言》主題曲而大受歡迎的吳若希（Jinny），日前憑青春及健康形象獲健康食品力邀擔任代言人，穿上露臍裝及熱褲的她大騷42吋長腿拍攝！Jinny得悉要露纖腰後，特別聘請健身教練操肌，她說：「我對今次廣告好認真，想畀大家睇到最Fit嘅狀態，所以跟教練健身同減磅。」

Jinny表示曾向同公司的許廷鏗（Alfred）打聽操肌苦況：「知道佢開演唱會前不停健身同節食，原來真係非常辛苦！不過見到效果出嚟咁靚，幾辛苦都值得。」愛吃的她表示這次只是控制食量：「因為產品有營養補充品輔助，唔需要減食，下次要送畀Alfred試吓！」

舞癡自信好台型

拍攝期間，導演找來排舞師即場教Jinny跳舞及擺舞姿，由於不擅長跳舞，Jinny鬧出多個笑話，她說：「真係好少跳舞，每次都係參加大型節目先有機會跳。」但又隨即自誇：「都好有興趣挑戰勁歌熱舞，相信以我嘅高挑身形一定會好有台型！」