周秀娜同門師弟、組合Bro5成員何浩文（Dominic）與糖妹分手後感情生活一直未有着落，他直言Dry到爆︰「有邊個唔想有人攬吓，好似一出世就攬住阿媽咁，而且好多創作題材要喺戀愛攞靈感。」

感情冇着落的Dominic表示，忙着籌備唱片與音樂人「拍拖」！

問到有否與舊愛Keep住聯絡翻撻，他笑說︰「有講吓嘢，但冇深入去傾，大家仲係朋友，傾吓偈好正常！」愛情失意的Dominic惟有寄情工作，他透露將撇甩Bro5其他成員推出唱片︰「近排冇乜拋頭露面，因為就快跳出來做歌手，處理嘅嘢多咗，大部分時間同音樂人一齊，同佢哋『拍拖』！」此外，他表示近日與朋友拍攝整蠱路人的短片，希望可以幫香港人減壓。