香港著名特技大師羅禮賢在圈中享負盛名，近年不少大型電影製作都會找他幫手，例如張藝謀的《金陵十三釵》、甄子丹的《特技身份》及姜文的《一步之遙》，還有早前來港拍攝的《變形金剛4》（Transformers：Age of Extinction）。談到跟《變4》導演米高比爾（Michael Bay）合作，羅禮賢說：「米高比爾要求好高，喺片場會忟忟哋，但大家合作後，佢向身邊工作人員讚我，佢哋話導演極少讚人。」

羅禮賢曾參與多項大型電影製作，見慣大場面！

兒子羅義民（右）亦加入武指行業，羅禮賢指兒子有他當好師傅，定必青出於藍！

羅禮賢（中）曾與米高比爾（右）合作。

入行差不多卅年，羅禮賢曾與不少巨星合作，包括成龍、甄子丹、周潤發、姜文及張藝謀等，他認為這批巨星及名導都有共同點，就是對電影很專注：「佢哋都好喜歡電影，拍戲會非常專注，而佢哋每個人都有唔同嘅電影特質，成龍同甄子丹都係武打巨星，但佢哋打出嚟嘅功夫風格好唔同，而洪金寶同成龍都係于占元徒弟，但佢哋嘅武打風格去到《警察故事》後，就已經開始有分支，每個藝人都有Signature（標記）！」