模特兒劉依靜（Ruby）最近榮升Model公司老闆，但仍抽時間拍劇，在新劇中與資深演員郭鋒飾演一對老夫少妻，戲中她溫馴聽話，但因郭鋒的角色「性能」不濟，經常懷疑Ruby出軌，並鬧出不少笑話，Ruby說：「我唔介意佢老，仲買補藥畀佢，但反而令佢誤會我介意，佢唔想我着得咁性感，扣鈕要扣到最頂一粒，仲同其他年長嘅演員組成『惡毒老人同盟』，試探我會唔會出軌！」演戲經驗不多的Ruby表示幸得前輩郭鋒教路：「最深刻有場喊戲，我發現佢不舉之後亂食藥入院，跟住喊起上嚟，當時我哋未咁熟，比較難投入，之後佢教我點入戲，令我演得愈嚟愈上手。」

Ruby與郭鋒（左起）、白彪及姜大偉三位老戲骨合作。