這邊廂蜘蛛俠凸擊文詠珊，另一邊廂張敬軒「銀」到方皓玟。昨日，張敬軒（軒仔）、黃秋生及方皓玟出席舞台劇《EQUUS 馬》加場發布會，宣布加開三場並即席演出部分劇情，軒仔更有爆粗鬧秋生的場面。在劇中軒仔與方皓玟有親熱的場面，方皓玟笑說：「正！原來軒仔背脊好白滑！不過你（指軒仔）好似有啲嘢『銀』到我！好少可咁肉帛相見！其實係最近先排到咁Close嘅戲份！」軒仔笑說：「我都唔好意思話你『銀』到我！不過我係指手肘！」方皓玟又大讚軒仔的身體很香，沒有臭狐，軒仔笑說：「前一晚就用香精醃自己！」他又指二人的裸露程度近九成，問會否擔心有生理反應？他說：「心跳囉！作為專業演員全身都有反應！不過套劇唔想渲染性愛場面，會遮住重要部位。」

軒仔（右起）、方皓玟與黃秋生出席發布會，並即場演出部分劇情。