服務無綫二十年、有「化妝間梁朝偉」之稱的資深化妝師張家萬(Gary),前晚在家心臟病發猝逝,享年39歲,群星包括佘詩曼、楊怡、鍾嘉欣、高海寧、蔡少芬、王祖藍和黃心穎等,紛紛在微博哀悼,佘詩曼說:「RIP Gary We love u...」楊怡則說:「昨天才見到你,和你說說笑笑...還記得有個化妝師把假睫毛貼在我的眼皮上,不知好嬲定好笑的時候,你施施然笑着走過幫我重新化過...Gary,懷念你的一切。」高海寧說:「不可能!我今天下午才見過他,還跟他說過話,怎麼可能?」

許廷鏗得悉Gary猝逝立即眼濕濕,而胡杏兒亦大感難過。

胡杏兒

胡杏兒昨日開工時說:「入行Gary就幫我化妝,最記得拍《野蠻奶奶》,佢同我講話個妝化得唔係咁好,我就答佢冇所謂啦!」至於許廷鏗(Alfred)則指入行時認識Gary,大讚他好人:「我哋一坐埋去,佢就自己開波喇,幫我哋化妝冇計較過任何嘢。」Alfred又指日前才見過他,當知道他「離開咗」後立即眼濕濕。

前組合小龍鳳成員李明蔚是Gary太太的堂細妹,她說:「堂姐夫有心臟病每日都要食藥,前日剝智慧齒要食消炎藥而停咗食心臟藥,堂姐六點同佢聯絡過話收工好攰要瞓覺,八點返到屋企佢已經昏迷、瞳孔放大同埋冇呼吸,後來都救唔番。」另外,有網民誤會逝世的是徐子淇御用化妝師Gary Chung並作出悼念,擺了大烏龍。