林欣彤(Mag)、姚兵及陳國峰前晚出席酒吧騷,穿Tube Top及小短褲的Mag大晒美腿玉臂,勁唱快歌,掀起全晚高潮。問到酒量如何?Mag說:「我唔飲得,試過一次醉咗,好辛苦。(酒後亂性?)只係嘔,瞓到不省人事,但係冇斷片。」對於舊愛羅孝勇被指與新歡拍拖買餸?Mag說:「係咩?佢有新歌就知,真係嘅?祝福佢囉!(仲有聯絡?)《巨聲2》有個Group Chat,佢有Share新歌MV,但冇乜聯絡。」回復單身的她表示暫時冇人追,更笑言要開檢討會。

High爆演唱的林欣彤炒熱氣氛,粉絲拍爛手掌!

蠱蠱惑惑的陳國峰,何事令到林欣彤笑到彎晒腰呢?