阮兆祥、陳嘉佳（細細粒）及楊詩敏（蝦頭）將為鄭多燕的跳唱騷擔任嘉賓，屆時會載歌載舞。對於門票銷售不理想，他們坦言並不知情，細細粒表示屆時都要跳舞：「自己唔擔心，之前我買咗隻碟，40幾分鐘都跳得晒，之前都有Keep住跳，不過依家拍劇就冇時間。」至於會否獻計谷飛？她稱會落力叫朋友買飛，問到會否叫拍劇拍檔幫忙？細細粒笑說：「我都要攞假做騷，已經唔好意思，好難仲叫晒佢哋嚟睇。但如果情況仲係咁，惟有出最後一招，叫埋蝦頭賣性感，谷谷事業線，嚟個前所未有嘅一露。」

阮兆祥扮Psy拍宣傳照，造型維妙維肖。

Keep住練舞的細細粒，揚言叫蝦頭谷事業線吸客。

祥仔則自言除了跳舞，還會兼任司儀，對於售票情況則不太清楚。談及獻計，他說：「我邊敢？不如細細粒同蝦頭賣性感，我就真係賣『God』！」

而蝦頭笑言賣性感都可以考慮，更自稱減肥兩、三周瘦了六、七磅：「之前同細細粒一齊話減肥，如果佢減唔成，事業線佢係有，但論美感我應該贏佢。」