台灣女神劉心悠出道以來與「奇華」合作無間,最近續約拍攝新一輯廣告,昨日舉行首播記者會。靚女心悠悉心打扮到場,與廣告內合作的男模即場互動,大搞浪漫氣氛,但她卻直言至今仍單身:「成日畀人催婚就真!(你要求高?)我其實零要求,但呢啲嘢講緣分,我覺得會遇到一個冇佢符嘅人,總之依家都係工作行先。」

劉心悠與男模在台上又攬又枕,幾咁浪漫!

心悠早前再聯同劉詩詩等合拍內地劇《步步驚情》,但啟播後似乎未能承接首輯《步步驚心》的餘威,反被網民鬧爆,批評劇情混亂,心悠靦腆回應:「我未睇!唔知自己出咗場未。當初決定接拍,都係想原班人馬聚聚。(接唔到個勢?)作為演員只可以用心去做,劇情安排唔關我哋事。」她又透露稍後要投入宣傳張家輝執導的新戲《盂蘭神功》﹕「拍嗰時唔覺得恐怖,但去配音睇番啲片,真係覺得驚。」