許靖韻冧爆運動男

胡鴻鈞（Hubert）、馮允謙（Jay）及吳業坤等巨聲幫組成的籃球隊成軍一周年，昨日舉行慶祝活動，Hubert及坤哥同一陣線寸爆Jay經常偷懶缺席練波：「成日『潛水』，今日仲衫都唔換，着件潛水衫嚟！依家要定新隊規，唔到一次就罰一千蚊！」而同場的許靖韻（Angela）近日忙於籌備第二張唱片，她表示希望錄新碟時冇意外：「希望可以順順利利，因為第一隻碟錄咗三年。」她又表示同公司的Jay勤練波跑步，非常有恒心，被問到有否睇中隊中男仔時，她說：「個個都高大威猛，但運動型係好吸引！」並自爆在泰國工作時狂食肥了五磅，目前首要任務是要積極減肥。