鄧麗欣（Stephy）與方力申昨日孖住現身西九龍海濱長廊撐兒童步行籌款，Stephy自爆已觀摩過男友小方的腹肌，更大讚其身材「好硬」，問到是否很滿意男友的身材？Stephy笑說：「好似男仔鍾意女仔身材咁，女仔都係，小方人到中年好易發福，最緊要係冇肚腩！」小方笑着回敬：「不知幾多女仔想剝我衫！」

Stephy取笑小方人到中年易發福，勒令他要繼續操肌。

同場的歐倩怡一身潮媽打扮。

小方自言最近變成「收身大使」，很多朋友向他請教減肥方法，問到會否繼續保持Fit爆身材？小方雖想表示會盡力而為，但Stephy搶先Order「腹肌不可以走樣」！看來「收身大使」小方除了激勵身邊人多做運動，還要繼續鞭策自己Keep好腹肌！