古天樂、楊千嬅和蔡潔等昨日出席電影《香港仔》主角見面會，古仔笑稱現場一名小女孩是「紙紮公仔」，場面惹笑！他又讚戲中「囡囡」活潑可愛，自言喜歡小朋友的他更有意生B：「拍戲有好多機會接觸小朋友，覺得好開心！（有計劃生B？）呢個冇可能用『計劃』兩個字嚟講，我真係唔知道。（搵女友先？）係，我唔可能一個人生。」

古仔和千嬅與巨型公仔玩得不亦樂乎。

看似密實的千嬅側晒纖腰，收身愈見成效！

談到有內地遊客在港隨地便溺，千嬅雖然覺得不太衞生，但認為純屬個別事件，其認識的內地人均不會這樣：「希望政府多啲呢方面指引。（囝囝想大便點算？）通常喺屋企去晒先，況且去餐廳有廁所，所以唔會有呢啲突發事。」對於吳孟達早前心臟發炎入院，她指透過導演彭浩翔得悉對方曾做手術：「知道佢應該休養中，聽到佢停工嘅消息都幾擔心。（唔出嚟宣傳？）我覺得健康最重要，最好養好身體先。」