佘詩曼與林峯昨日為劇集拍攝大場面，被80名手持道具刀的臨時演員襲擊的阿峯，施展一招英雄救美護阿佘，阿佘則大爆阿峯女友吳千語曾於拍攝時探班，兩口子非常甜蜜，她又透露雖有追求者，但要花時間觀察。

阿佘踢爆阿峯與千語似足小情侶勁Sweet，阿峯更甜笑認女友探班。

佘詩曼與林峯被80名手持道具刀的臨時演員襲擊，場面非常逼真！

在劇中有親熱鏡頭的佘詩曼與林峯，昨日上演勇救佳人一幕時肉緊攬緊對方！

佘詩曼與林峯昨日為劇集《使徒行者》開工，拍攝一場阿峯營救臥底阿佘的場面，80名臨時演員嚴陣以待，在一聲令下，眾人手持道具刀向車廂中的二人襲擊，場面幾可亂真，期間阿峯於車廂開槍還擊，又擁阿佘入懷！

最緊要心胸廣闊

在酷熱天氣下，穿上黑色絨褸開工的阿佘苦不堪言，阿佘表示事前以退熱貼散熱，感覺已比想像中好，而劇中不乏火燒及爆炸場面，她笑指幸好不用打鬥，更指在劇中與阿峯有親吻戲，但會以輕鬆搞笑手法表達。

問到拍攝期間，阿峯女友吳千語有否前來探班時，阿佘笑說：「久唔久嚟，會買蛋糕同糖水！（佢兩個好Sweet？）係人都知，一睇就知係對小情侶！（羨慕？快啲搵男友？）希望啦！有人追，但睇定啲先，依家係非常初步接觸！（靚仔？）冇同事咁靚仔，但我覺得心胸廣闊、有智慧、識得照顧我同錫我就OK，一見佢就會笑就得！」被阿佘踢爆女友曾探班的阿峯大方地說：「都係間唔中，外景時間唔複雜嘅話，佢就會買嘢食畀大家！」