呂慧儀與老公黃文迪（Dickson）昨日恩愛現身沙田馬場，提到「大肚婆」特別旺，問懷有身孕的呂慧儀會否下注？她笑說：「係咩？係咪是但噏都得？」她透露會在家與媽媽及奶奶慶祝母親節，而Dickson表示今年會特別花心思為老婆慶祝。問到呂慧儀佗B後有否向他發脾氣？他說：「冇乜，睇佢成日笑就知。（當佢女王？）一向都當！」呂慧儀即笑說：「以前係公主，依家係女王！」Dickson雖然要照顧一大一小，但不覺辛苦：「不過緊張，第一次做爸爸係咁。（上載咗張抱B相，學掃風？）要學好多嘢，我想親力親為。」在旁的呂慧儀即表示老公值80分：「以後佢負責厭惡性嘅嘢，我負責玩。」

Dickson傍實凸肚谷奶的呂慧儀，相當緊張。