名模莊思敏（Jacquelin）前晚出席啤酒活動時中門大開，不讓同場的「咪神」高Ling專美，但卻老貓燒鬚露膠紙，她說：「套衫係朋友幫我揀嘅，唔想着Cocktail Dress！（做乜咁唔小心？）條裙唔黐膠紙，咪惟有黐喺身！（唔驚走光？）唔驚啩，Check晒嘅！」

愛杯中物的Jacquelin相當重視酒品，最驚朋友「發酒癲」！

愛飲酒的Jacquelin表示曾帶酒入主題樂園，最厲害是由Lunch飲到Tea，晚飯都飲，飲酒逾十小時！她又自爆曾飲到爛醉而在酒吧瞓天光，笑指酒品好等於人品好，最怕酒後失儀的朋友：「試過有朋友飲醉酒打爛晒啲嘢，唔敢再同佢出去，都幾驚唔識控制自己嘅人。」