吳君如前晚於機場出發參加《意大利烏甸尼斯遠東電影節》，剪了短髮的君如透露與女兒陳是知一齊剪，又冧爆表示出門前跟愛女攬攬錫錫：「同個女拖拉咗15分鐘，佢依家好似大人咁，我哋乜都傾！」她又大騷手腕上的手繩：「係個女網上睇片學織畀我嘅橡筋手繩，真係好靚！值錢過任何珠寶。」見君如身形及面頰均消瘦，她亦承認減磅：「開工成日周圍飛，食得唔好，又瞓得唔夠！」

甜到漏的君如大騷愛女織的橡筋手繩。

阿澤（右起）、鄒凱光、彭浩翔及阿田於意大利四處吃喝玩樂！

至於已身在意大利的杜汶澤及田蕊妮抽空行街，與導演彭浩翔等在街頭食雪糕，又到阿田至愛的咖啡店大量入貨，最後當然由阿澤埋單，美食當前，阿澤亦笑說：「就算打回原形都冇所謂啦！（會逗留幾耐？）阿田話掛住屋企隻貓，所以只留幾日，急住返屋企。」