無綫「咪神」高海寧（高Ling）的性感形象深入民心，擁有34D逼爆上圍的她前晚出席活動時低胸晒線贏「峰」頭！近日有傳有富豪睇中其驕人身段而開價7位數邀她飯局，面對金錢誘惑的高Ling卻沒半點猶豫：「8位數都唔會去！」

不介意以性感示人的高Ling有樣有身材，難怪「飯局價」有7位數字！

開工賣大包
性感晒線的高Ling自給自足。

生活平民化
慳妹高Ling取得免費停車場飛後閃人！

與女友人行街的高Ling（右）打扮Casual，踢拖抽環保袋，貫徹慳妹本色！

前晚，身穿銀色連身裙的高Ling在蘭桂坊出席啤酒活動，大晒三吋事業線，玩遊戲時更騷胸疊啤酒，吸睛程度爆燈！高Ling右腳大腿有明顯刮損的疤痕，她說：「拍《使徒行者》要同佘詩曼同陳敏之打交，畀高踭鞋整損咗。」她又表示喜歡拍動作戲，因可以不斷學習新事物，更不擔心破相，可見高Ling熱愛工作！

但近日傳出有富豪開價7位數，力邀擁有34D逼爆上圍的「咪神」高Ling出席飯局，高Ling接受電話訪問時表示已統統拒絕：「我從來冇出席過，都唔會以呢個方式搵錢，過唔到自己嗰關，8位數都唔會去！」她坦言早前曾收到電話，有人直接向她開價，但她不肯透露銀碼：「收到莫名其妙嘅電話，好直接咁問我有冇興趣（去飯局），我好強硬、好堅決咁拒絕咗，同佢講我依家唔會去，將來都唔會去，叫佢唔好再打畀我！」

行街齋睇唔買

美好身材為高Ling贏得不少人氣，但亦為她帶來煩惱：「除咗尋晚（前晚），我已經好耐冇性感，但大家都係覺得我同性感有關連，其實有少少傷心，諗諗吓都開心嘅，至少大家冇忘記我！好想喺戲劇上有突破，但唔係除多件衫就係突破，希望大家睇到我嘅努力啦！」

謝絕飯局的高Ling堅持自力更生，難怪樣樣慳住使！日前她一身樸素打扮及抽着瑜伽店的環保袋，與女友人現身中環，似乎剛在附近上完瑜伽堂，兩人其後閒逛該處的名店及百貨公司，但見高Ling極為忍手，全程齋睇唔買，反觀女友人卻比她豪爽，買到一袋二袋「大豐收」！高Ling其後步往商場的櫃枱蓋免費停車場飛及取車，看來趕着回家吃住家飯又再慳多筆！