已為人妻的李思欣多年來一直保持Fit爆身形及白滑肌膚,原來她平日有跑步習慣,更精於以糖水作食療養生!身形纖瘦令人羨慕的思欣大談跑步心得:「我平時都係跑30分鐘左右,唔算好劇烈,其實我已經好瘦,唔使減肥,不過跑吓步個人會精神啲、Bright啲、靚啲!同埋我覺得跑步會令線條Firm啲!我通常都喺室外跑,呼吸吓新鮮空氣皮膚都好啲!不過我就唔會夜晚跑喇,通常下午,我鍾意日頭有陽光!最密試過之前有兩個星期日日跑。」思欣又自爆常在黃金海岸跑步,問到有否被途人認出,她笑說:「都有呀!會Say Hi跟住自己再跑囉!」

李思欣平日有跑步習慣,順道出外呼吸新鮮空氣。

保持Fit爆身形的李思欣,全靠做運動。

李思欣最愛品嘗「川貝蓮子海底椰」,大讚滋潤兼護膚。

思欣又大讚中式糖水甚具美顏功效:「我覺得最好嘅護膚方法就係食滋潤嘅嘢,中式糖水幾好o架!我鍾意食川貝蓮子海底椰,清清哋,又有美容功效,木瓜雪耳都唔錯,可以豐胸,對皮膚又好,我通常出去食,自己煮就少啲。」問到思欣是否與老公范振鋒齊齊食時,她甜絲絲表示老公不吃,但會陪她。