顏卓靈孖銅像演話劇
影壇新貴顏卓靈(Cherry)先後提名台灣金馬獎及香港電影金像獎影后,前途無可限量,但私底下的她是樂天少女一名,早前她與同性友人返內地旅遊,便無厘頭與銅像演話劇,整古做怪相當搞笑!早前Cherry與同性友人即興到杭州、蘇州及上海旅行,首次自己計劃行程,感覺刺激,她說:「一路睇地圖一路搵路,有啲地方明明火車去到,我哋都寧願行多一個鐘。」她大讚杭州景色怡人環境清幽,到處充滿文化氣息,只見Cafe不見夜店,令她樂而忘返。期間Cherry與友人在公園見到銅像,搞笑地即興自創故事,果然充滿想像力:「個銅像係幫緊BB剪頭髮,我朋友捐入去扮畀佢攬,我哋愈影愈興奮,我都交足戲o架!」其後Cherry又在涼亭扮做大戲,引得附近的小朋友眼望望。
調皮的Cherry等石獅錫錫,非常搞笑。
Cherry扮畀銅像剪頭髮,認真大唔透。
十幾蚊大大碗葱油撈麵,Cherry大讚好味。
Cherry站在涼亭扮做大戲,功架十足。
提到杭州坊間美食,Cherry同樣讚口不絕,她說:「有間麵館看似平凡,但碗葱油撈麵好好味!十幾蚊大大碗,只係呢碗麵已經夠原因令我要再嚟,反而上海嘢食貴啲但好少料,湯底好深色,其實冇味似食麵粉。」