周麗淇8啜馬明玩三級
周麗淇(Niki)及馬國明昨日拍攝新劇,Niki透露兩人的親密戲及對白頗為三級,其中一場更莫名其妙NG了八次,馬國明笑言要多謝工作人員幫手,讓他盡享艷福!
Niki自爆在《流氓皇帝》中與馬國明有Kiss戲,相信粉絲聽到後必定羨慕又妒忌。
馬明先後換上乞兒和軍閥Look,他影相時頭上仍夾着髮夾,十分搞笑!
昨日馬國明(馬明)及周麗淇在無綫將軍澳電視城拍攝新劇《流氓皇帝》,Niki以藍色旗袍上陣,而馬明則先後換上乞兒Look及軍閥造型,拍照時馬明頭上仍夾着髮夾,Niki即建議他拔下,但搞笑的馬明卻笑言可大方任影。
留唇印冧爆
戲中飾演一對的二人透露已拍攝錫面戲,對白更頗為三級,Niki說:「錫面係最親密喇!不過對白都幾三級!好似周星馳啲古裝笑片咁,當時嘅年代用依家嘅對白,好有喜劇效果,好多場都係拍咗先,如果之後覺得Over會配番音。(有冇NG?)好多,唔明點解收音問題都要NG,又話有雜音,有場戲講我錫咗佢一啖,佢開心到暈,結果NG咗八次,不過呢啲對馬明係碎料啦!」問到男友徐正曦會否來探班,她說:「唔知,做嘢為主,佢鍾意啦!」
而馬明則表示拍親熱戲好冧,對於經常NG,他大讚工作人員「非常合作」:「隊Crew好幫手,但我冇畀錢o架!拍錫面時大家望住對方好耐,錫完個唇印好勁!(你好冧?)靚女喎!開心就梗啦!」