蘇永康近日頻頻為下月面世的國語專輯宣傳,日前更特地飛往台灣拍攝新歌《我是偶像》MV,今次康仔邀得好友杜汶澤擔任MV男主角,並安排他與女主角「床戰」,由床上滾到地下,期間女主角坐在阿澤大髀兼頭貼頭,身為造型師的康仔對阿澤說:「爽啦!」阿澤則面紅否認:「邊有?搞到我胸部有啲痛。」康仔又踢爆阿澤毫無心理準備要與女主角拍親熱戲,他說:「我咩都冇同佢講,只係話我係佢造型師,咩都唔使帶嚟,最緊要有着底褲。」

女主角坐在阿澤大髀兼頭貼頭,十分親暱。

蘇永康日前特地飛到台灣拍攝新歌MV。