謝婷婷扮嬲玩男友
與男友Sean愛得甜蜜的謝婷婷,早前被本報獨家拍得在蘭桂坊街頭對男友黑面,並當街大聲怒罵對方。她昨日出席Glasstique舉行的Karen Walker 2014春夏眼鏡系列傳媒預覽活動時,被問及有關報道及看過照片後,即解畫說:「嗰晚我哋同朋友慶祝生日,應該係扮嬲,係好Cute嗰隻。(你嗲佢?)類似啦!(扭計?)扭計都唔係,係玩。(你平時都成日嗲佢?)OK啦!」
自言不會當街發脾氣的婷婷,指男友沒有激嬲過她。
婷婷早前被拍得於街頭怒罵男友Sean後,衝出馬路截的士離開。(資料圖片)
婷婷表示自己平日很嬲時會不出聲,像啃了塊石頭般,又大讚男友Sweet、溫柔、好脾氣及有修養:「可能有啲說話我哋會覺得係攻擊,但佢唔會咁諗,佢咩都向好嗰方面諗,仲會多謝人哋畀意見佢。」她指不會當街鬧男友,又否認有公主病,問到兩人相處時可有意見不合,婷婷說:「我同佢嘅關係好特別,我哋冇介蒂,唔會好情緒化咁同對方講嘢,係有傾有講有商量!」