憑主演韓劇《大長今》而為港人認識的韓國女星李英愛,昨日穿韓國傳統服飾在港出席晚宴,氣質不減當年!坊間一直盛傳近年專心相夫教子的她將復出主演《大長今2》,但李英愛昨日明確表示為照顧一對龍鳳胎而不會接拍該劇,相信令不少「長今迷」失望!

以傳統韓服上陣的李英愛別具風味,成功突圍。

低胸上陣的晶晶翹實老公啟剛到場,恩愛滿瀉!

周汶錡與老外夫婿行孖咇,笑容一致勁Sweet!

谷胸的子淇可謂全場最性感,唔知問准老公未呢?

李英愛、郭晶晶及徐子淇三位靚媽昨晚盛裝出席卡地亞高級珠寶晚宴。李英愛穿透視的韓國傳統服裝,配襯價值4,300萬元的珠寶,高貴迷人!「千億新抱」徐子淇則以低胸喱士及皮裙上陣,谷出三吋事業線,性感冠絕全場!「跳水公主」郭晶晶亦不甘示弱,以透視下襬的Tube Dress示人,各具美態。現場展出逾17億元的高級珠寶,其他賓客包括邱子傑夫婦、名模周汶錡夫婦及胡應湘夫人等。

束起頭髮及化上淡妝的李英愛,被問到為何以韓服示人?她說:「今日係好特別嘅日子,我覺得韓服同品牌好襯。(你係咪收藏好多珠寶?)唔係,以Casual為主,老公送嘅婚戒同珍珠我都好鍾意。」對於最近被傳將主演韓劇《大長今2》,她說:「要配合好多嘢,導演、故事內容同音樂,等有更好嘅劇本先再做,都希望可以同香港粉絲見面,唔一定係劇或電影,其他活動都可以。」當再追問是否不接拍該劇時?翻譯即代答不會拍。問到是否因照顧小朋友而辭演?她肯定地說:「自己遲婚,對小朋友要畀多啲愛心,呢個係好大嘅原因。」

晶晶下胎想生女

至於子淇則透露李英愛是其母的偶像,她很期待見到對方真人,若有機會會跟她大談湊仔經。問到老公李家誠的腳傷情況?子淇表示已康復不少:「佢之前返內地,當地嘅朋友畀咗啲老虎骨茅台佢飲,飲完好好多,又畀田雞佢食,話食完可以跳,佢食咗真係可以單腳企,但我唔敢錫佢,因為好怕青蛙類動物。」

另外,之前有傳再度懷孕的晶晶與老公霍啟剛恩愛到場,她否認懷孕,問到下胎想要仔還是女?她笑說:「有個仔就想要個女,但順其自然啦!」她表示兒子現時八個月大,已懂發單音,啟剛即接口說希望兒子先叫爸爸,又指兒子遺傳了晶晶的運動天分,昨日第一次爬樓梯。