古天樂、楊千嬅及曾志偉等前晚出席電影《香港仔》首映，期間大會送上大花牌預祝票房理想，千嬅即爆笑指似夜總會，又叫導演彭浩翔「收嘢」，場面爆笑！她又透露日前舉家郊遊時，她抱着30磅的囝囝落山當做Gym，問到兒子性格，她說：「佢唔易喊，依家學緊人講嘢，所以我同老公講嘢要盡量小心，講電話都行埋一邊。」

千嬅出席首映時表示會盡量抽空陪家人。

古仔平時Man爆，估不到會畀小演員恰。

至於古天樂則笑言整個四月都周圍飛拍戲及廣告，忙到忘記日子，對於戲中女兒表示喜歡他，古仔表示向來有小朋友緣：「佢哋話睇我啲喜劇覺得我好Funny，可能我好恰，佢會普通虐待我，搣吓我咁。」