男友當街拖女 江美儀力撐誤會

與江美儀拍拖多年的吳君祥昨日被指拖女斷正！江美儀受訪時表示：「係個好大嘅誤會，個女仔係剛離世嘅潮流教母黎堅惠妹妹黎曉靈，男朋友同朋友陪佢，出於支持拖佢，安慰失去親人嘅朋友，真係唔需要大做文章。」吳君祥亦澄清：「根本冇拖咗幾條街！我送佢同朋友上車後都走咗！（女友好信你！）佢冰雪聰明又明白事理，我唔需要解釋。（影到你同女友去街打晒喊露？）真係失儀！之前嗰日唔夠瞓！之後佢放假，我哋會去旅行。」