名模李嘉慧和蔡一智昨晚出席Green Monday兩周年籌款晚宴,第一年擔任大使的嘉慧表示,身邊人都愛食素:「我細女唔鍾意食肉,反而食粟米蘑菇好開心,老公都想健康啲,佢食菜仲多過我!」另外,她指小朋友快考試,所以復活節沒有外遊,但亦有帶兩個囡囡去會所住三日兩夜:「帶佢哋玩啲戶外活動,例如游水同踩單車。」又表示大女現時唸二年級,細女則唸幼稚園高班,她笑指二人都是「問題少女」,但她情願女兒多提問,證明她們聰明:「好過唔出聲!不過佢哋問我點解同人唔同姓氏,我都唔知點答,叫佢問同學仔。」而蔡一智表示本身愛茹素和不吃紅肉,更影響身邊不少朋友,包括老婆:「唔食肉對體能冇乜影響,因為素食都好有營養,對我練六舊腹肌都有幫助!」

李嘉慧穿花碌碌裙到場,清新可人。

蔡一智出席晚宴時動作多多,看來心情不俗。