呂珊昨日到錄音室為《呂珊2014情兩牽演唱會》進行綵排,並找來好友李思捷現身支持,思捷稱跟珊姐認識多年,知道她開騷一定支持:「叫我做咩就做,到時唔會整蠱佢,最多唔着衫走上台!」對於有報道指他早前在其生日Party後拖三女上酒店房,對此他大發晦氣:「點止三個,我拖咗百幾個!其中有十個係荷里活巨星,好似茱莉亞羅拔絲咁,不過佢冇玩到尾。我仲唔止玩天光,咩都玩晒,連方法演技都玩埋!」而即將演出的珊姐透露早前忙於拍劇:「依家套劇拍完可以專心綵排,之前壓力大,搞到瘦咗成5磅。」她又稱認識思捷多年:「都唔知佢今日嚟做咩!(到時會唔會上台唱歌?)唔知,佢神神化化咁!」

思捷與珊姐為演唱會認真綵排。