江若琳(Elanne)與經理人公司寰宇關係勢成水火,昨日再有傳Elanne過去10年「受盡欺凌」,除每月伸手向公司墊支3萬多港元生活費外,工作酬金僅分得4成,化妝費及髮型費,甚至祝捷會上的蛋糕費都由她埋單,導致經常入不敷支。

林小明

記者昨日訪問寰宇老闆林小明,他說:「工作上用嘅錢,公司一定出嘅,會唔會係有人貪心,想攞多啲咋?(雙方有聯絡?)公司高層阿標有搵過佢,不過佢話交咗畀律師處理,所以冇嘢講,總之佢死約5月4日到期,如果之後佢拒絕履行合約接工作嘅話,我哋就會採取法律行動。」

對於有指Elanne經濟拮据,林小明說:「佢有車有屋住,點會冇錢呀?會唔會有人支出大過收入呢?(江媽媽叫佢唔好做。)講啫。」昨晚林小明出席杜琪峯生日會,再被追問相關問題時,他說:「要尊重合約精神。(Elanne接受訪問聲淚俱下喎。)唔好扮可憐啦!」另外,記者亦嘗試聯絡Elanne,惟截稿前未獲回覆。