名模歐陽妙芝中「星星」毒甚深,早前與老公方時俊到韓國追劇集場景,親身感受千頌伊和都敏俊拍劇時的氣氛。三日兩夜的行程,妙芝與老公一口氣走訪多個景點,行程緊密,她說:「我哋去咗千頌伊劇中成日去嘅書店,書店職員見我求其攞本書扮影相,即刻攞咗千頌伊喺劇中拎過嗰本書畀我影,更加逼真;夜晚我哋去咗南山影愛情鎖,可惜劇中同款嘅鎖已經售罄,惟有買其他款式!又去咗法國小鎮Petite France,嗰度有個透明箱,畀人企上去扮千頌伊飛起,好得意、好好笑。」她又光顧炸雞店,一向不飲啤酒的她為求更具神髓,特別點了啤酒,享受一邊食炸雞一邊飲啤酒的樂趣。

妙芝見到「都教授」,忍唔住錫番啖先!

妙芝到Petite France與「千都」合照。

妙芝與老公專程影愛情鎖。